الكيمياء

مشروع لمدرسه ابي ايوب الانصاري وهو عمل منتدى يضم اعمال الكيمياء
 
الرئيسيةالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» aplikacje dla windows mobile 6.5
الخميس أغسطس 04, 2011 8:29 am من طرف زائر

» Opowiadania erotyczne
الأربعاء أغسطس 03, 2011 2:40 pm من طرف زائر

» Blu-ray to iPad Ripper nick Blu bar DVD movies for iPad
الأربعاء أغسطس 03, 2011 8:41 am من طرف زائر

» Computer sound only works when plugged in?
الأربعاء أغسطس 03, 2011 2:52 am من طرف زائر

» free las vegas casino slots
الثلاثاء أغسطس 02, 2011 11:28 pm من طرف زائر

» This forum back up me thanks
الثلاثاء أغسطس 02, 2011 5:20 pm من طرف زائر

» burpless fish oil
الثلاثاء أغسطس 02, 2011 4:23 pm من طرف زائر

» I would like to build my own socail web sight have my own domain name and all.?
الثلاثاء أغسطس 02, 2011 5:48 am من طرف زائر

» will an Acer brand Monitor work on an Emachines W3619 computer?
الإثنين أغسطس 01, 2011 7:51 am من طرف زائر

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
احداث منتدى مجاني

شاطر | 
 

 يوم مسكتنـي الهيئـة ((( قصة صدقيـة ))) ...!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
HanoOodaH

avatar

تاريخ التسجيل : 20/03/2010

مُساهمةموضوع: يوم مسكتنـي الهيئـة ((( قصة صدقيـة ))) ...!   الأربعاء مارس 31, 2010 3:53 am

السلام عليكم



شخباركم...



وعساكم طيبين..


:




يالله ان تحيي كل من دخل فيذا من اولكم الى اخركم


...



مثل ما انتم عارفين الواحد لازم يكون له اسرة وعشان كذا المفروض انه ما
يحط كل فلوسه في أسهم الخشاش لان الاحتباس الحراري يؤثر سلبيا على اسعار
مواد البناء...

<<<< كان هذا فاصل إعلاني ومقتطفات من كتابي الجديد من خربشات قلمي خش خش خش ....






عدنا ..

<<< تأثير متابع سبيس تون 24 ساعة!!





المهم مثل ما أنتم شايفين وجايين ركض من العنوان ...



هاذي السالفة بصراحة صارت لي شخصيا قبل كم يوم



عاد مدري تبون أقولها لكم ولا لا ؟؟؟


<<<< اجل ليه داخلين هنا ؟؟





في صباح يوم جميل .. استيقضت باكرا كعادتي اليومية وقمت بتفريك عيوني
ومغطت يديني ورجليني ومن ثم رتبت سريري ومن عقبها خرجت من المنزل متجها
الى المدرسة!!
<<< متأثر بكتاب القراءة صف اولى ابتدائي


في الطريق حسيت بأني جايع شوي (( مدري تحسون مثلي بأنكم جايعين بعض المرات ولا لا ؟))



ومدري وش الي طرى علي اني اروح لمحل فلافل!!.. الظاهر اني محلم بها الليلة الي راحت!! ..


والله واروح يمه وادخل المحل واطلب فلافل بالحمص مع البيض بدون مخلل مع الطحينة وواحد كوكا كولا

<<< الظاهر انه بيقول لكم قصة حياته!!


خلص الطلب وينادي على رقمي ويوم خذته وجيت افطر عندهم ما دريت إلا كل
الكراسي والطاولات فل!! يمين يسار منا منا ابدااا ما فيه محل أقعد فيه ..

قلت اجل مالك ألا تاخذه و تفطر في سيارتك ولا تروح يم أقرب شجرة وتوقف عندها وتاكل براحتك ..


المهم انا قلت لنفسي<<<<(( لازم يشاور نفسه قبل كل شي!!!)) لا
منيب موقف على الشارع اخاف احد يشوفني .. وبينما انا افكر وين
اروح افطر فيه ألا سوق حياة مول في وجهي ..

في اللحضة هاذي طلعت فوق راسي لمبة صغيرة وفيها علامة استفهام..(( يعني فكرة هع هع ))



قلت يا ولد ليه ما تنزل المواقف الي تحت وتوقف وتفطر فيها على راحتك.. بما انها تحت الارض ومظللة بعد


بعدها نزلت تحت ووقفت سيارتي في مكان بعيييد وصاد وتركتها تشتغل .. (صاد = بعيد عن أعين الناس)

وتوني أبفتح واشيل القرطاس بتاع الطع 100 إلا واشوف السكيورتي الي كان هناك يروح ويجي عند سيارتي ...




(( على فكرة نسيت اخبركم ان سيارتي مظللة تظليلة سوداء من جميع الجهات حتى القزازة الامامية .
. يعني السيارة أصلا شبهه وتظليلة سوداء كاااتم..مهوب شبهه اببببببببببببببببببببد))




المهم ما امداني افتح علبة الببسي الا الرجال يكلم بجهاز الارسال أخوياه ...حسيت أن في الامر إن


وما أمداني أحس إلا وتجي سيارتين تبع أمن السوق وسكرو مخارج ومداخل المواقف الارضية ..

هنا قلت خلااااااص واستنتجت بأنهم شاكين فيني ان معي بنت أو بلوه وجاي هنا تحت عشان محد يشوفني لانه مكان بعيد عن أعين الناس !!


<<< بيغطي في الاستنتاجات على المحقق كونان !!


المهم انا قعدت اضحك عليهم متحمسين بزيادة عن اللزوم واخرتها ما وراي شي !! وكملت فطوري!!

وشوي الا وحده من السيارات الي كانت ساده على باب الخروج ابعدت وقلت ايه
اشوا شكلهم طفشوا وبالاخير بيخلوني اطلع ... ما دريت الا ......

.
.
.
.
.
.
.
.
.
.
.
.





((سنعود بعد قليل))

خخخخخخخخ








المهم ما دريت الا جمس يدخل ووراه لاندكروزر وكلها عليها استكرات من بوهتها عرفت انها أستكرات.........الهيئة!!!!



قلت لا لا لا مش مسدأ عنيه ... كل ده ليا انا بس !! مش معئول!! دنا غلبان ومستاهلش ده كلوه!!


<<< يتعلم كلام مصري لان ابوه قايل له مافيه روحه لمصر إلا إذا صرتوا تعرفون تحكون مصري!!!




نزلوا الي في الجمس والي في اللاندكروزر وكلهم مطاوعة إلا واحد عسكري
وقربوا عند الباب وجو يفتحونه ما فتح (( لاني مقفله هع هع))راحوا للقزازة
الامامية حقتي وقاموا يطقون عليها!!


(( لا تنسون أن السيارة مظلله أسود في أسود وما تقدر تشوف الي فيها))


وانا ما بين مصدق ومكذب!!

كل هذا عشاني قاعد افطر هنا !! إلى هاذي الدرجة أنا مهم !!! خخخخخخ



واشوف الساعة الا باقي على المحاضرة خمسين دقيقة (( أحدن معه فطوره ويناظر
الساعة خخخخخ))... قلت يا ولد وش ورانا موب ضارني شي اذا قعدت استهبل
عليهم شوي!!!


والبادي أظلم هم الي ما خلوني أتهنى بفطوري!!



المهم صاروا كلهم يطقون علي وانا ما فتحت ولا كلمتهم ..


واشوف واحد يطل مع القزاز مع انه مظلل يبيشوفني غصب !!..




وبعد كم دقيقة من الطق على القزاز قلت يا ولد وش رايك نبدا المفاوضات معهم!!


وأفتح جزء بسيط مرررة من القزازة المامية عشان أكلمهم منها واخذ واعطي معهم


<<< ابد ما حسسهم ان معه احد!!!


ويجي واحد من أعضاء الهيئة ويقول أفتح الباب الله يجزاك خير !!


وانا اقول له ما سويت شي غلط كلها عضتين وابخلص منها <<< يقصد السندوتشة هع هع


وجاء ثاني وقال وين البنت الي معك ؟؟؟

أنزل أنت وياها!!!


وانا الي اقوله : خلوني اكمل أول بعدين ابفتح لكم !!! <<< ترى يقصد السندوتشة بعد ..


ويرجع الاول يقول لي أفتح الله يهديك تراك محاصر وما تقدر تطلع !!

ومهما بتسوي انت جاي معنا يعني جاي!!


وخذ وهات من هالكلام افتح ما افتح

اخر شي جاء واحد من المطاوعة يهدد يقول لك 10 دقايق اذا ما فتحت ابكسر القزازه وافتح


قلت ما تقدر !! خلني اخلص منها بعدين ابفتح لكم <<<< يبي يرفع ضغطه!!



وشوي الا يجي العسكري ويرقى على السيارة من ورى ...

و يحاول يفتح فتحة السقف بس ما قدر !!

<<<< الظاهر انه متأثر بفلم S .W. A .T!!!:




بالاخير شفت الرجاجيل أرتفع ضغطهم مررررة وانا وراى محاضرة بعد!!

وأقول لهم .. خلاص خلصت منها


ابفتح الباب بس استروا علي وعليها


ولا تقولون لأهلي إني جاي هنا بالمكان هذا قاعد...... وما كملت كلامي الا
يقولون طيب خلاص الله بيسترك بس أنت افتح الباب وكل شي له الف حلال


قلت طيب قبل لا أفتح الباب وش هي حقوقي ؟؟؟ خخخخخخخ


ويقول لي واحد حقوقك راح تعرفها أن شاء الله هناك في المركز!!!


قلت طيب اذا نزلت من السيارة لحد يمسكني بقوة أمسكوني بشويش !!!
<<<< يبي يرفع ضغطهم !!!

قال لي أبشر بس أنت أفتح ويصير خير!!!!



وقبل لا أفتح قلت لواحد عطني منديل فيني عطسة!!!

قال منديل لا والله وش رايك أخليك تروح لبيتكم أحسن !!!



قلت والله أن خليتني أروح ميب شينة .. تصدق ما فكرت فيها !! خخخخخخخخ


بعدها حسيت أنهم حاقدين علي صدق المرة هاذي!!!!


بالأخير نزلت من السيارة...

<<<< نهاية محارب شجاع!!!


وأول ما فتحت الباب الا أربعة يخموني!! وثنين ركبوا السيارة يدورون البنت المزعومة!!!


يدورن يمين يسار ما لقوا شي ...

فتحوا الباب الي ورى لقو غرفة ملابسي!!!

وياخذ واحد منهم باقي فطوري و قزازة الهولستن ويشمها يحسبني قاعد اسكر ولا أحشش !!!


وبعد ما دوروا ونفشوا في السيارة وتأكدوا أن ما وراي شي


جاء وسألني الشيخ الكبير ...وقال أسألك بالله وش قاعد تسوي؟؟؟


قلت أنت وش رايك ؟؟

وش قاعد أسوي أنا؟؟


قال والله مدري بس اظاهر انك قاعد تفطر من بقايا الطعمية والبيرة!!!

قلت لا ياشيخ قل والله !!! طيب دامني قاعد أفطر ليه المداهمه هاذي وكل هالصجة واللجة؟؟

تقول كنكم ماسكين لكم ساحر ولا مشعوذ!!!


عاد هنا قام يعتذر وقال والله معليش حقك علينا وترى ما سوينا كذا الا لحفظ
اعراض المسلمين وبصراحة قد جانا كم بلاغ نفس بلاغهم هذا ونفس المكان الي
انت فيه ومسكنا فيه منكرات ... وهذا الي خلانا نشك ونسوي كذا ...فالعذر
والسموحة ..



قلت أييييييييييييييييييييييييييييه طيب تراني سامحتكم!!!




وعقبها ركبوا سياراتهم وراحوا ...



وأنا بعد ركبت سيارتي ومشيت...


.
.
.
.



The End




عاد من عقبها صرت كل يوم أوقف في المواقف نفسها وأفطر فيها ..... وما يقولون لي شي السكيورتية!!

<<<< يبي يخليهم ما يشكون فيه خخخخخخخخ



وهاذي هي حتوتي مع الهيئة هدانا الله واياهم الى كل ما فيه خير وصلاح ....



See you

الرجوع الى أعلى الصفحة اذهب الى الأسفل
kid-- 12
عضو متميز
عضو متميز
avatar

تاريخ التسجيل : 28/03/2010

مُساهمةموضوع: رد: يوم مسكتنـي الهيئـة ((( قصة صدقيـة ))) ...!   الأربعاء أبريل 14, 2010 6:45 pm

الموضوع جداً جميل لأنه كله عبر

الله يهدينى و يهدي الجميع


الرجوع الى أعلى الصفحة اذهب الى الأسفل
 
يوم مسكتنـي الهيئـة ((( قصة صدقيـة ))) ...!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الكيمياء :: التقنيه والترفيه :: منتدى الترفيه والالعاب-
انتقل الى: